終於到達巴黎
首先講下16號晚, 我去左madrid睇jason mraz concert
遲到呀...因為metro好慢好慢...最後去到某個站想轉的士去會場..
但係明明平時周街都係既的士在呢個重要既時候竟然係一架都無!!
過左十五分鐘....終於到會場
好彩個show都真係好正...的士錢抵返
之後無車返salamanca, 所以打算訓巴士站
點知巴士站原來夜晚點半左右會關門...
所以只好同d backpacker一齊出巴士站出面既草地訓覺
我地已經好聰明地帶左學校apartment入面張床單出去嫁啦,,,
不過都仲係好凍好凍...
好不容易先到五點, 巴士站開返先入得返去訓, 七點上車
到左17號,我地搭夜晚十點幾出返madrid..
去到已經十二點幾...再入埋機場又已經成點半兩點
所以死都唔book hostel啦!! 又訓機場...
但好神奇地...madrid機場係要入左等登機果度先有位坐嫁..
所以又只好訓地下....
第二朝十點半就到巴黎, 諗住可以好早去到住既地方抖抖..
但係可惡既事又發生...
我地用左各自用8.5 euros買左一張由機場出市區既火車飛...
點知呢一程火車用左我地四個鐘呀!!!!!
因為頭兩個站佢已經開得好慢好慢...仲停左成十分鐘先開車...
點知到左第三個站...佢竟然停左成大半個鐘..
於是大部份人都棄車而途...呢個時候...大家先知原來無得搭火車...因為唔知咩事..
佢係無任何指示話俾人知嫁!.連佢d 法文announcement都細聲到d本地人都聽唔到!!!
之後大伙兒一齊去搵巴士搭...點知一等又等左個幾鐘都無一架車!!!
最後係等到火車恢復行駛先有車出市區........!!
咁我地既巴黎旅程又變左無左大半日...
我既無奈...我既辛酸大家明白啦..
不過呢d都係一d好特別既經歷既
我地在等既過程仲識左兩個智利既人
去一次咁既旅行真係識好多外國人...
遲d去環遊世界都應該可以免住宿呀!!哈哈
在巴黎第一日因為前兩晚無乜點訓..同埋咁樣等車法..
所以已經無咩精力去其他地方..只係留在住既地方附近行
我係住蒙馬特....果度好多人...好旺角嫁...當然係好靚既旺角啦
我地去左性博物館參觀...真係大開眼界呀!!
同埋我發現三四十年代既黑白片AV係好好睇嫁!! 哈哈
